ನೇತಾಜಿಯೆಂದೇ ಖ್ಯಾತರಾಗಿರುವ ಸುಭಾಷ್ ಚಂದ್ರ ಬೋಸ್ ಅವರು ಭಾರತದ ಅಪ್ರತಿಮ ಸ್ವಾತಂತ್ರ್ಯ ಹೋರಾಟಗಾರು. ಇವರು ಒಡಿಶಾದ ಕಟಕ್ ನಲ್ಲಿ ಜನವರಿ 23, 1897ರಂದು ಜನಿಸಿದರು. ಬೋಸ್ ಅವರು ಬಹಳ ತೀಕ್ಷ್ಣಮತಿಯ ವಿದ್ಯಾರ್ಥಿಯಾಗಿದ್ದು, ನಾಗರೀಕ ಸೇವೆಗಾಗಿ ಆಯ್ಕೆಯಾಗಿದ್ದರು. ಅದನ್ನು ಬಿಟ್ಟು ಸ್ವಾತಂತ್ರ್ಯ ಹೋರಾಟಕ್ಕೆ ಧುಮುಕಿದರು. ನಂತರ ಅವರು ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್ ಸೇರಿ ಸಂಪೂರ್ಣ ಸ್ವರಾಜ್ಯಕ್ಕಾಗಿ ಆಗ್ರಹಿಸಿದರು. ಬ್ರಿಟಿಷರ ವಿರುದ್ಧ ಬಹಳ ಕ್ರಾಂತಿಕಾರಿಯಾಗಿ ಹೋರಾಡಿದ ದಿಟ್ಟ ನಾಯಕ.
